食譜, 食譜:日式

日式牛肉Shabu Shabu

天氣開始凍, 又係食火鍋既季節! 打慣港式邊爐, 食得悶悶地, 而且早排又去完日本, 所以突然在家中想整返一個日式的Shabu Shabu~~ 諗都唔諗就出去買材料~ 其實整一個日式的Shabu Shabu, 要的材料不多, 但卻好花時間去準備, 少一點心機都不可~ 湯底材料: 日本魚干  5條 昆布 1塊 (約10cm x 6cm大) 大蔥 兩大段 (每段約 5cm長) 水 1.5公升 做法: 1)先將水置在鍋, 放入魚干, 昆布浸一小時。 2)一小時後, 開大火將整煲水連魚干及昆布煲滾。 3)水滾後加入大蔥,轉細火煲1小時,湯底即成。 注意: 在吃火鍋時, 記得把魚干和大蔥段拿走, 剩下昆布在鍋中, 一邊吃火鍋一邊再把昆布的味道煮出來~這樣吃起來更好吃~ 至於火鍋材料, 今次我做的是牛肉火鍋, 當然少不了牛肉。日式Shabu Shabu不少得蔬菜, 用的多數是日本旺菜和春菊,還有紅蘿蔔~ 其他必有的材料還有鮮冬菇, 金菇, 大蔥, 青蔥, 豆腐, 還有日本的葛絲, 吃起來煙煙韌韌, 是我的最愛~ 吃完了火鍋材料之後, 日本人喜歡用剩餘的湯底來煮麵條作結尾, 吃完真的是滿腹~~… Read More 日式牛肉Shabu Shabu

美容小貼士

Evie Shower Gel~

早排一直都在用Evie的產品, Hand Cream同埋卸妝油, 兩款product的功效都勁好~ 除左呢兩樣野之外, 其實仲有用另一款Evie既product, 都係每日會用到既野~ 就係shower gel!!~ 朋友說Evie的Shower gel用完之後, 皮膚勁滑, 滑到跣腳~ 我聽到之後, 我問:有冇咁誇張呀? 就係因為一句滑到跣腳, 令我即刻試用Evie的Shower Gel!!! 關於Evie的成份,不詳細說明了, 因為都是用天然香薰成份而提煉而成, 絕對無添加, 用得安心~~ 這支Shower Gel,我用了幾天, 已經感覺到皮膚真的滋潤了很多而且滑了, 真的可以形容為滑到跣腳~~ 神奇到呢~~~ 朋友果然沒有誇張!! 就係因為咁勁, 諗都唔諗一口氣就買了五支~~ 真係唔講得笑!!~  

美容小貼士

Evie卸妝油

最近愛上了用Evie的產品, 除了早排介紹的Day/Night Hand Cream很好用之外, 同時間我還在用Evie的卸妝油~ 之前我一直都是用Shu Uemura的卸妝油的, 想起來都用了幾年, 間斷都試過轉不少其他品牌的卸妝產品, 但效果都是麻麻~ 其實Shu Uemura也不是卸得很乾淨, 只是對比起試過其他品牌, 這個算是最好~ 但一直都想找一支最好的來代替Shu Uemura~ 難得前排終於把大支裝的Shu Uemura卸妝油用完, 可以轉用其他品牌的了~ 今次試了Evie的卸妝油, 首先它的天然成份吸引了我, 加上身邊很多朋友都有用, 他們用完都力推, 所以很有信心一試~ 第一次用完, 感到面上的化妝品真的徹底被卸去~ 卸妝後, 感到面部充滿彈性, 是其保濕的功效吧!~ 我不常化眼妝, 極其量都只是塗眼睫毛液, Evie的卸妝油完全感把一些防水的睫毛液都卸去, 其功效真的很勁~ 哈哈! 終於找到一支超勁的make up remover了, 難怪身邊的朋友都不斷力推!! 十個勁!!  

美容小貼士

Evie Hand Cream~

最近用了一隻好正的hand cream, 是Evie的出品。Evie的hand cream有分日間和夜間, 這是跟市面上其他品牌的hand cream最大分別。 日間的hand cream質地好light, 搽完之後有很香的lavender味, 非常喜歡。而夜間的hand cream質地比較厚, 但感覺就好滋潤。 兩支hand cream都用了一排, 感覺真係幾好, 雙手又真係滑左!~ 最重要是Evie的hand cream的成份天然, 自然好放心咁用~

食譜, 食譜:日式

日式汁燒牛肉

很多時到日本食店吃午飯, 都會點汁燒牛肉, 往往一個餐70幾元牛肉卻只得幾片, 飯都未吃完, 已把牛肉吃光了。 很久之前已經知道盛八燒肉在鵝頸橋底街市附近開了一間專賣牛肉的店, 最近終於有時間走進去看看, 發現很多在盛八吃到的牛肉都有售, 而且價錢有平有貴, 真的幾大眾化。於是買了一些牛肉回家做汁燒牛肉, 不消幾個Step, 便能做好, 很方便呢~ 材料: 薄切牛肉 100g 日式燒汁 兩湯匙 (這個燒汁, 一般日本超市都有售!)   做法: 1) 先將薄切牛肉兩面都灑上鹽及黑椒醃15分鐘。 2) 開中火燒熱煎pan下油, 將牛肉放下, 兩面煎至半熟。(記著:手要快, 因為薄切的牛肉很快便熟, 一轉色便要反轉~) 3) 轉細水倒下燒汁煮半分鐘, 即成。 p.s.碟上的配菜可隨個人口味是搭配, 例如:炒洋蔥, 燙青菜, 煎蛋, 烤什菜也可~ 這個菜, 只需要20分鐘便能完成, 非常方便呢~~~    

食譜, 食譜:海鮮

薑蔥炒蟹

識我既人都知我好鍾意食海鮮, 貝殼類, 蝦呀, 魚呀, 蟹呀… 無一不歡~ 當中以蟹最鍾意食, 那些大閘蟹, 每到當做的季節, 心知寒到爆, 但一於少理, 照樣狂食~ 黃油蟹呢… 真的不敢吃多, 實在太高膽固淳; 普通的蟹我都喜歡吃, 炒蟹, 蒸蟹都喜歡… 不過炒蟹惹味D, 所以常吃一點, 自己也會買回來整。好多人以為炒蟹好麻煩, 其實好簡單。不過我個人不太喜歡吃羔蟹, 所以自己在家裡整, 多數都是買肉蟹~ 今次整了最拿手的薑蔥炒蟹, 都唔錯架~ 材料: 蟹 2隻 薑 一大件 蔥 1棵 指天椒 1隻 做法: 1) 蟹洗淨斬件。 2) 薑去皮, 用刀拍扁; 蔥洗淨, 切段; 指天椒切細粒。 3) 燒熱鑊下4湯匙的油, 油滾後, 下薑爆香, 再加入指天椒兜亂。 4) 落蟹快手兜勻, 加入蔥段兜亂。 5) 加入50ml清水及2湯匙生抽, 加蓋煮5分鐘。… Read More 薑蔥炒蟹

食譜, 飲食推介

蘿白魚鬆

最近多了行supermarket,見到有新鮮的食材, 都會忍不住要買回家來煮。今次發現了勁新鮮的日本大根, 買的時候, 還是連約50CM長的葉, 單是這樣已經知道新鮮!! 想了很久, 大根用來煮什麼好呢… 突然間想起不如做蘿白魚鬆, 這個菜都是很家常的, 很少會吃到, 而且煮的時間都比需要30分鐘以上, 而且食材很重要, 若買回來的蘿白不夠甜, 整個菜都變得不好味了! 材料: 蘿白 1條 (最好選日本的大根, 比較甜) 鯪魚肉 半斤 (我買的是在魚檔已經預先打好的魚肉, 因為剁魚肉實在太大工程了) 中芹 1棵 冬菇 (大) 3朵 蝦米 20g 蒜頭 2粒 蔥 適量 準備工作: 1) 冬菇及蝦米浸軟身, 然後將冬菇切細粒及蝦米切碎。 2) 洗淨蔥, 切粒。 3) 已切好的冬菇,蝦米及蔥粒一併倒入鯪魚肉, 加入調味料 (生抽1湯匙,麻油1茶匙,生粉1 1/2茶匙, 糖1茶匙, 鹽 1/4茶匙, 胡椒粉1/4茶匙) 拌勻醃約15分鐘。 4) 洗淨中芹, 切段。 5)… Read More 蘿白魚鬆

食譜, 飲食推介

Roast Chicken with Lemon & Rosemary Roast Mixed Vegetable

有時都幾怕都整一D準備時間太長的菜, 是因為怕準備得太多時間, 到最後出來的完成品有閃失, 都幾令人咀喪! 今晚終於挑戰左烤雞, 想整好耐但一直沒有動手, 難得最近的時間都比較易掌握, 終於下決心整呢味菜。 其實唔難整, 只是步驟多, 同埋準備時間長一點而已。最開心是朋友來當我的白老鼠, 他們吃的時候不斷說好味, 勁有滿足感, 連自己都忍唔住讚自己的作品好味~ 但我認為下次再整的時候, 可以整得再好一點, 在某些步驟上加以改良, 應該會很好味! 材料: 雞 (約1.5KG) 1隻 Baby Potato 12個 紅蘿白 2條 洋蔥 1個 檸檬 (大) 1個 蒜頭 1個 乾蔥頭 3粒 新鮮Thyme 20支 新鮮Rosemary 4支 煙肉 8片   準備工作: 1) 把海鹽及黑椒碎塗滿在雞的表面及內面, 將5支Thyme和雞一併用保鮮袋包好, 放入雪櫃醃約六小時。 2) 將薯仔及紅蘿白切件, 每件約哥爾夫球的大小; 洋蔥切大件, 蒜頭拍扁及乾蔥頭切片。 3) 洗淨Thyme及Rosemary;… Read More Roast Chicken with Lemon & Rosemary Roast Mixed Vegetable