認識我的朋友都知道我是一個勁愛吃蝦蝦蟹蟹的人, 大蜆青口也是我的最愛!! 早排收到皇家太平洋酒店的公關邀請, 為他們最新推出的「蝦蟹鮮味配」海鮮自助晚餐試食~ 聽到個名就已經流口水, 絕對是擊中我所有的最愛! 當然第一時間答應, 本來上星期跟好友MelingAlice愛麗絲一起試食, 誰知我這個體弱的人, 竟然在試食當晚發燒病倒, 唯有缺席留家養病! 後來見到Meling寫的Blog關於當晚試食, 真係邊睇邊流口水!!~

好彩病了幾天就已經好番, 所以就立刻再約另一晚的試食, 今晚跟好友Athena, Blog友搵食能手食記M一起去試這個超豐富的海鮮晚餐~~

我們差不多8時才到達柏景餐廳, 已經見到大部份座位已坐滿食客, 好彩我最愛的蝦蝦蟹蟹都有不停Refill。

難得見到自助餐有唐金尼斯蟹, 還要是原隻的!!

拿了蟹蓋和蟹身慢慢吃, 一反開蟹蓋, 被裡面爆多的蟹膏嚇呆了~ 蟹膏質感軟硬度適中, 又夠香!! 真難得的水準!!

大量長腳蟹的蟹腳任拎~ 肉質幾結實, 而且超鮮味, 還吃到少許海水味! 正~~

紐西蘭青口任食, 青口肉唔會”削”, 幾新鮮, 真係o岩晒我這個青口怪!!

龍蝦意粉沙律,大大啖龍蝦肉~~

蟹籽三文魚魚生飯, 好味! 有在日本餐廳吃的水準~~

鱈場蟹肉棒壽司~ 蟹肉棒有我一隻食指咁長, 壽司飯更是師傅手握的~ 難得酒店的自助餐有師傅即場手握壽司! 讚!

西班牙海鮮飯~ 海鮮好足料, 好香口好鮮味!

充滿蟹肉的蟹餅~ 好足料, 食落啖啖都係蟹肉, 蟹餅裡加了點燈籠椒, 有少少影響了味道, 但整體也是不錯的~

即場燒的大頭蝦~~ 大量供應!!

好impress的大頭蝦, 我們吃這隻蝦的時候, 一把蝦頭拆開, 見到大大啖蝦膏都不禁說了句: 好多膏喎!! 

還有燒香草魷魚, 燒魷魚已經夠香, 加埋香草味的燒魷魚, 吃起來更有風味!

即場煮馬尼拉大蜆意粉~~

馬尼拉大蜆真係好大隻好鮮甜~ 意粉煮得剛剛好, 不會太腍~

甜桃宮爆鳳尾蝦~ 蝦球夠爽, 味道帶點辣, 但又甜甜地, 好惹味!!

牛肋肉好腍好入味~ 推介!!!

香草焗羊架~ 羊肉剛好熟, 肉質夠嫩~  

食了咁多海鮮, 來一碗養生藥膳雞湯~ 未喝已經聞到好大陣藥材味, 感覺好足料! 喝下去, 好甜, 感覺好補身呀! 

每人都有一隻海鮮焗帶子~ 之前我掛住吃蟹腳, 帶子都放涼了才吃~ 但也吃得出好足料, 勁多蝦肉和薯蓉跟帶子一起焗,不錯呀! 

 

甜品時間~

大部份都以士多啤梨做主題~ 左上角的士多啤梨Roll, 中間的不是士多啤梨果肉, 而是Jelly, 幾得意~ 右下角的士多啤梨慕絲, 幾滑, 入口即溶架~

朱古力慕絲, 口感幾滑, 朱古力味都好濃。

士多啤梨梳夫里~ 好香的士多啤梨味, 但個人認為太甜, 吃到一半已吃不下。

即製的鮮什果pancake, 再自行加上士多啤梨醬, 很好的配搭~

以前來過柏景餐廳吃下午茶自助餐, 但記得上次的經歷是麻麻的, 大部份熱盤都一般。公關說今次蝦蟹鮮味配自助晚餐是由新到任行政總廚袁師傅的第一炮, 難怪食物的水準都提升了不少~  總結是這裡的自助餐絕對值得一試, 周一至周四都只是三百多元一位, 但有咁多蝦蟹及海鮮吃, 都抵返條數了~

還有提醒大家一下, 可到Facebook的皇家太平洋的Fan page成為粉絲, 就可以下載優惠卷, 惠顧自助晚餐有低至七折的優惠呀~

柏景餐廳

供應日期及時間: 由即日至6月30日每晚6時半至9時半

價錢:星期一至四 (成人: $368+10%, 小童/長者: $248+10%)

星期五至日, 公眾假期及前夕 (成人: $398+10%, 小童/長者: $268+10%)

地址: 尖沙咀廣東道33號中港城皇家太平洋酒店園景翼2樓 

訂座電話: 27382322

Related posts:

2 thoughts on “大戰蝦蟹海鮮自助餐

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>